टोकियो/जापान।प्रधानमन्त्री किशिदाले नयाँ व्यापक आर्थिक उपायहरू कार्यन्वयनबारे राय संकलन गर्न टोकियोस्थित साना तथा मझौला उद्यम एवं किनमेल बजार क्षेत्रहरुको भ्रमण गरेका छन् ।

यस प्रत्यक्ष भ्रमण पश्चात कोरोना माहमारी,पेट्रोलियन पदार्थहरुको मूल्यवृद्धि एवं येनको अवमुल्यनका कारण खस्किएको व्यापारका लागि सहयोगी उपायहरू बारे विचार गर्ने संकेत गरेका छन् ।

आज (१५ तारिख)दिउँसो प्रधानमन्त्री किशिदाले टोकियोको मेगुरो वार्डमा रहेका साना तथा मझौला धातु प्रशोधन गर्ने कम्पनीको भ्रमण गरेका थिए ।ति उद्योग संचालकहरुले ऊर्जाको मूल्य वृद्धि व्यवस्थापनका लागि ठूलो चिन्ताको विषय भएको बताइएका थिए ।

त्यस्तै सिनागावा वार्डमा रहेका बजार क्षेत्रका व्यापारीहरुले कर्मचारीहरुको बढ्दो लागत तथा कोरोना महामारीका कारण खस्किएको व्यापारले आफुहरु चेपुवामा परेको बताएका थिए । निरीक्षणपछि प्रधानमन्त्री किशिदाले पत्रकारहरूसँग भने, ‘साना तथा मझौला उद्योगहरूले आफ्नो प्रविधि र रोजगारी जोगाउन संघर्ष गरिरहेको गुनासाहरु सुनेको छु ।

व्यवसायीहरुको यस्तो अवस्था देख्दा मलाई असहज महसुस भएको छ ।यि सबै समस्याहरुको सम्बोधन नयाँ वृहत आर्थिक प्याकेजमा समेट्ने छौँ।” विद्युत् महसुलको बोझ घटाउने सम्बन्धमा उनले भने-‘घरपरिवारका लागि विद्युत् महसुलमा सहयोग गर्नुका साथै व्यवसायका लागि पनि सहयोगको तयारी दृढताका साथ गर्नेछौँ ।”