टोकियो/जापान। जापानमा कामका कारणले गर्दा मानसिक समस्या भई क्षतिपूर्ति लिनेहरुको संख्या पछिल्लो एक दशकयता ६० प्रतिशत बढेको छ । अध्ययन प्रतिवेदनमा जनाईए अनुसार यसरी काम तथा कार्यस्थलका कारण मानसिक समस्या झेल्नेहरुमा ८० प्रतिशत महिलाहरु रहेका छन् ।

जहाँ कार्यस्थलमा हुने यौनजन्य हिंसाका कारण मानसिक समस्या भोग्नेहरुको संख्या उच्च छ । सन् २०११ को मार्चमा समाप्त भएको आर्थिक वर्ष २०१० मा डिप्रेसन र अन्य मानसिक समस्याका कारण कामसँग सम्बन्धित रोगका ३०८ घटनाहरू थिए।

तर अहिले हालसालै मन्त्रिपरिषद्ले अनुमोदन गरेको कागजका अनुसार आर्थिक वर्ष २०१९ मा यो संख्या बढेर ५०९ पुगेको छ । स्वास्थ्य मन्त्रालयका एक अधिकारीले नियम तथा कार्यशैली सुधार पछि श्रम समस्याहरू बारे जनचेतना बढेकाले यस्ता घटनाहरुको उजुरी बढ्न पुगेको हो ।

तर वास्तविकरुपमा भने अहिले कार्यस्थलमा यस्ता खालका मानसिक तनाव नबढोस्,सबै कामदारहरुको मानव अधिकार सुनिश्चित होस भनि विभिन्न प्रभावकारी नियम तथा उपायहरु कार्यन्वयन भएकाले अवस्था विगतका तुलनामा सुधार भएको छ।