निकै प्रतिस्पर्धात्मक बनेकाे खेलकाे पहिलो हाफ गोलरहित बराबरीमा सकिएपनि अष्ट्रेलियाले दोस्रो हाफमा गोल गर्दै जित निकाल्न सफल भयाे । म्याथ्यु लेकीले ६० औं मिनेटमा एकल प्रयासमा सानदार गोल गर्दै अग्रता दिलाए । त्यही गाेल नै जितमा पर्याप्त बन्याे ।
समूहको अर्को खेलमा ट्युनिसियासँग १-० ले पराजित भएपनि फ्रान्स समूहको शीर्षस्थानमा रहदै नकआउट चरणमा पुग्न सफल भयाे । फ्रान्स र अष्ट्रेलियाले ३ खेलमा समान ६ अंक जोडेपनि गोलअन्तरमा फ्रान्स अगाडि रहयो । ट्युनिसिया ३ खेलमा ४ अंकसहित तेस्रो तथा डेनमार्क १ अंक जोड्दै पुछारमा रहयो ।
