काठमाण्डौ। फरक धारको नेपाली कमेडी टक शो ‘ट्वाकेन्द्र निवास’ शुरु भएको छ । विभिन्न क्षेत्रका लोकप्रिय तथा चर्चामा रहेका अतिथिहरूसँग ट्वाकेन्द्र निवासमा गरिने रमाइलो कुराकानीलाई ट्वाकेन्द्र काका र मट्टयाङ्ग्री काकीको कमेडी ड्रामा शैलीको प्रस्तुतिले कार्यक्रमलाइ रोचक बनाएको छ ।

यो कार्यक्रमको पहिलो श्रृंखला रिलीज भईसकेको छ । कार्यक्रम हरेक हप्ताको बुधवार यूट्युब च्यानल NK TV मा आउने गर्छ । संसारको जुनसुकै कुनाबाट जुनसुकै समयमा यो कार्यक्रम हेर्न सकिन्छ ।

कार्यक्रम,विगत लामो समयदेखि कलाकारिता र सञ्चार क्षेत्रमा लागेर नक्कली प्रचण्डको छवि बनाएर चर्चामा आएका घनश्याम गौतम र रङ्गकर्मी तथा हाँस्य कलाकार युगज्योति क्रियाशिलले  सञ्चालन गरेका हुन् ।