टोकियो/जापान । गैरआवासीय नेपाली संघ (एनआरएनए)जापानको आगामी कार्यकाल (सन २०२५-२७) को लागि ओकिनावा निवासी मङ्गल धावकले केन्द्रीय सदस्य पदमा उम्मेदवारी घोषणा गरेका छन् ।

ओकिनावामा सन २०१९ मा गठन गरिएको एनआरएनए ओकिनावा तदर्थ समितिबाट एनआरएनए यात्राको थालनी गरेका मङ्गलले पाँचौं अधिवेशनसम्म ओकिनावा क्षेत्रीय नेतृत्वलाई सफलतापूर्वक अघि बढाउँदै अहिले राष्ट्रिय समितिमा भूमिका निर्वाह गर्ने योजना अघि सारेका हुन् ।

“राष्ट्रिय समितिको आर्थिक पारदर्शिता, समावेशी सहभागिता र संस्थागत विकासको जिम्मेवारी केन्द्रीय सदस्यमा मङ्गल बहादुरको उम्मेदवारी” भन्ने नारासहित उनले आफूले उठाएका विषयहरूलाई केन्द्रीय तहसम्म पुर्‍याउने अठोट व्यक्त गरेका छन् ।

मंहगलले हाल एनआरएनए जापानद्वारा सञ्चालित नेपाल घर निर्माण अभियानलाई निरन्तर समर्थन गर्दै केन्द्रसँग हातेमालो गर्दै अघि बढ्ने प्रतिबद्धता पनि व्यक्त गरेका छन् ।