टोकियो/जापान। जापान र बेलायतले बिहीबार रक्षा, स्वच्छ ऊर्जा, साइबर सुरक्षा तथा सेमीकन्डक्टरहरू लगायतका क्षेत्रहरूमा सहकार्य गर्न सहमत भएका छन्।जापान र बेलायतबीचको यो औपचारिक सहमतीलाई ऐतिहासिक कदम भनिएको छ।

बेलायती प्रधानमन्त्री ऋषि सुनक र जापानी प्रधानमन्त्री फुमिओ किशिदाले जापानको हिरोसिमामा हुने समूहको सात शिखर सम्मेलनअघि वार्ता गरेपछि बिहिबार यो सम्झौताको घोषणा गरिएको हो ।

दुवै पक्षले यो सम्झौताले आर्थिक, सुरक्षा र प्राविधिक क्षेत्रमा आपसी सहकार्यलाई मजबुत बनाउने बताएका छन् ।

सम्झौता पछि बेलायती प्रधानमंत्री ऋषि सुनकले जापान र बेलायत स्वतन्त्रता, प्रजातन्त्र, कानूनको शासन, मौलिक मानव अधिकार, खुला तथा निष्पक्ष व्यापारका जस्ता साझा मूल्य र मान्यताहरुद्वारा एकअर्कामा जोडिएको बताउँदै,यो सम्झौता विशेष रहने बताए ।

जि ७ हिरोशिमा शिखर सम्मेलन सुरु,विश्वभरका शक्ति राष्ट्रका शिर्षस्थ नेताहरु जापानमा