२०७२ वैशाख १२ गतेको भूकम्पले रानीपोखरी केही भएको थिएन, बीचमा रहेको मन्दिरलाई भने क्षति पुगेको थियो। नौ महिनापछि राष्ट्रपति विद्यादेवी भण्डारीले पुननिर्माणको शिलान्यास गरिन् रानीपोखरी परिसरमा। रानीपोखरीलाई म्युजिकल फाउन्टेनसहितको रमणीय पार्क बनाउने उद्देश्य थियो काठमाडौँ महानगरपालिकाको। माछा सारिए, विभिन्न तीर्थस्थलबाट ल्याएर राखिएको भनिएको पानी सुकाइयो। हिलो देखियो। हिलो सफा गर्न खोज्दा मुनि बालुवा भेटियो। लौ फसाद। बालुवामा पानी अडिने कुरा भएन। बालुवालाई कसरी व्यवस्थापन गर्ने भन्ने नजानेर अहिले रानीपोखरीको बेहाल छ। रानीपोखरी अहिले चौर बनेको छ। मन्दिर पुननिर्माण पनि सिमेन्ट र पिलरसहित गर्न खोज्दा विरोध भयो र पुरातत्व विभागले हस्तक्षेप गर्नुपर्‍यो। त्यसपछि मन्दिर पनि अहिलेसम्म बन्न सकेको छैन। हेरौँ बेहाल रानीपोखरीका केही फोटो र कोही जानकार हुनुहुन्छ भने बालुवाको व्यवस्थापनबारे सुझाव पनि दिनुस् है।