प्रायः मानिसहरुमा एंटीबायोटिक खाइरहेकाहरुले रक्सी वा मदिराजन्य पदार्थ खान हुन्छ कि हुदैन भन्ने सोचाई रहेको हुन्छ । केही मानिसहरु रक्सी सेवन गर्नाले एंटीबायोटिक औषधीले राम्रोसँग काम गर्दैन सोच्दै आइरहेका छन् भने कोही एंटीबायोटिक खाइरहेको बेलामा रक्सी खानाले त्यसको नराम्रो असर पर्छ भन्ने मान्दै आइरहेका छन् ।

लन्डनको जेनीटर्नरी क्लिनिकले यस बारेमा ३ सय भन्दा बढी मानिसहरुमा सर्वेक्षण गरेको थियो । तीमध्ये ८१ प्रतिशत मानिसहरुले रक्सी पिउनाले एंटीबायोटिकले असर नगर्ने बताए । त्यस्तै ७१ प्रतिशत मानिसहरुले एंटीबायोटिक खाइरहेको बेलामा रक्सी सेवन गर्नाले धेरै खालका साइड इफेक्ट गर्ने बताएका छन् ।

तर यथार्थमा एंटीबायोटिकलाई लिएर यि दुबै धारणहरु गलत रहेका छन् । डाक्टरहरुका अनुसार यस्तो गलत विचारले मानिसहरुलाई रक्सी सेवन गर्नबाट बचाउने गर्दछ । त्यसैले पनि उनीहरुले यस्तो गलत विचारलाई बढावा दिने गर्दछन् । ताकि बिरामीहरुले आफ्नो औषधी सही समयमा सेवन गरुन् ।

खासमा धेरै किसिमका एंटीबायोटिक्समा अल्कोहलले कुनै पनि असर गर्दैन । तर कुनै एंटीबायोटिक खाएको समयमा भने रक्सी सेवन नगर्नु नै राम्रो मानिन्छ ।

कुनै एंटीबायोटिक्स खाएको समयमा रक्सी सेवन नगर्नु भनिएको हुन्छ । यदि उक्त समयमा रक्सी सेवन गर्नाले टाउको दुख्ने, रिंगटा लाग्नृ, उल्टी आउने, छाति दुख्ने लगायतका समस्याहहरु देखिने गर्दछन । यस्ता एंटीकायोटिक्समा सेफोटेटान, मेटेनिडाजोल लगायत रहेका छन् ।

कुनै यस्ता पनि एंटीबायोटिक्स रहेका छन्, जुन खादाको समयमा रक्सी पिउन पनि सकिन्छ । तिनीहरुलाई एकसाथ लिनाले कुनै नराम्रो असर भने गर्देन । तर रोगबाट छुटकारा पाउन भने लामो समय लाग्ने गर्दछ ।