टोकियो । आईतबार जापान भर ३९ जना मानिसहरुमा कोरोना संक्रमण पुष्टि भएको छ । यो अघिल्लो दिनको तुलनामा बढेको हो । केहि दिन यता घटेको संक्रमण आईतबार होक्काईदो तथा टोकियोमा साबिकभन्दा वृद्धि भएकाले समग्र संख्या बढेको हो ।

हिजो,होक्काईदोमा १५ जना, टोकियोमा १४ जना, खानागावाकेनमा ५ जना,सिजुओकाकेनमा १ जना, फुकुओकाकेनमा ३ जना  र एहिमेकेनमा १ जनामा संक्रमण पुष्टि भएको हो । यसरी हेर्दा संक्रमण शुन्य रहेका प्रान्तहरुको संख्या भने बढेर ४१ पुगेको देखिन्छ भने, कम हुँदै गएको टोकियो तथा होक्काईदोमा भने संक्रमित संख्या बढेको छ ।

आईतबार थपिएको संख्यासंगै जापानभर हालसम्म संक्रमित संख्या १७ हजार ३ सय २० जना पुगेको छ । संक्रमित मध्ये १४ हजार ४९ जनाले स्वास्थ्य लाभ लिएका छन् भने ८ सय ५३ जनाको निधन भएको छ ।

संक्रमितहरु घट्दैगर्दा, जापान सरकार आज बाँकी रहेको ४ प्रान्तहरुको आपतकाल हटाउने घोषणा गर्दैछ । देशभरको आपतकाल हटाउँदै गर्दा तत्काललाई नियन्त्रण भएजस्तो देखिएको संक्रमण फेरि बढ्ने हो कि भन्नेमा विज्ञहरुको चिन्ता र चासो बढेको पाईएको छ ।

आईतबार टोकियोमा कोरोना संक्रमित बढ्यो,१४ जनामा संक्रमण (अपडेट)

शनिबार पनि जापानभर संक्रमण घट्यो जम्मा २४ जना संक्रमित, १३ हजार जना भन्दा बढि निको भए