हामी विश्वका विभिन्न देश र त्यी देशका विविध स्थानहरु विचरण गर्ने हज्जारौँ सपनाहरु देखिरहेका हुन्छौँ । सोहि अनुरुप  हामी मध्ये कतिपयले वर्षेनी विभिन्न मुलुकहरुको भ्रमण पनि   गरिरहेका हुन्छौँ ।तर आज यहाँ हामीले नेपालकै अत्यन्तै सुन्दर जिल्ला मुस्ताङ र त्यहाँका सौन्दर्यहरु प्रस्तुत गर्ने प्रयास गरेका छौँ ।

नेपालको उत्तरपश्चिमी क्षेत्रको ३ हजार ९ सय ८२ मिटरको उचाईमा अवस्थित छ मुस्ताङ जिल्ला । यस जिल्लाको उत्तरी भाग अन्नपूर्ण र निलगीरी हिमालले ढाकिएको छ । नेपालको हिमालपारीको जिल्ला भनेर चिनिने मुस्ताङ माथिल्लो मुस्ताङ र तल्लो मुस्ताङ गरी दुई भागमा विभाजित छ । माथिल्लो मुस्ताङ ट्रेकिङहरुका लागि एकदमै चर्चित छ भने तल्लो मुस्ताङ प्राकृतिक सुन्दरताका लागि उत्तिकै प्रख्यात छ । माथिल्लो मुस्ताङमा हिमाली हावापानी पाइन्छ । धौलागिरी र अन्नपूर्ण हिमालले ढाकिएका कारण यस जिल्लामा बंगालको खाडीबाट बहेको मनसुन वायुको प्रभावबाट वर्षा हुँदैन । पश्चिमी वायुको प्रभावबाट निकै कम पानी पर्ने यस जिल्लाको स्याउ एकदमै प्रख्यात छ । सरसरती हेर्दा मुस्ताङ,प्राकृतिक सुन्दरता,चट्टान,गहिरो खोँच, एडभेन्चर खेलको गन्तव्य,उपत्यकाहरु,हिमालयन श्रृंखलाहरु,सँस्कृति, खाना तथा चाडबाड, अनि मुक्तिनाथ मन्दिर यी लगायतका कारणहरुले पनि कम्तिमा एक पटक पुग्नै पर्ने स्थानका रुपमा लिईन्छ ।  आउनुस्  यी तस्बिरहरुसंगै मुस्ताङका विविध स्थानहरुको अवलोकन गरौँ ।

तस्बिरः रबिन्द्र सापकोटा