टोकियो/जापान।जापानमा जारी जि ७ हिरोशिमा शिखर सम्मेलनमा भाग लिईरहेका ७ शीर्षस्थ नेताहरुको समूहले शनिबार, कानूनको शासनमा आधारित स्वतन्त्र र खुला अन्तर्राष्ट्रिय व्यवस्थालाई सुदृढ पार्ने आफ्नो प्रतिबद्धता सहितको एक विज्ञप्ति जारी गरेको छ। उनिहरुले विज्ञप्ति मार्फत चिन तथा रसियालाई संकेत गर्दै,कुनैपनि मुलुकको शक्तिद्वारा गरिने जबर्जस्तीलाई सहन नगर्ने सामूहिक ऐक्यवद्धता व्यक्त गरेका छन्।

विज्ञप्तिमा भनिएको छ कि जि ७ देशहरूले “रूसले युक्रेनमाथी गरिरहेको गैरकानुनी आक्रामक युद्धको सामनाका लागि युक्रेनलाई समर्थन गर्नका लागि दीर्घकालिक कदम चाल्नेछन्।
साथै,रुसमा महत्वपूर्ण प्रभाव राख्ने चीनको सम्बन्धमा, विज्ञप्तिले बेइजिङलाई “रूसलाई आफ्नो सैन्य आक्रामकता रोक्न दबाब दिन र तुरुन्तै, पूर्ण र बिना शर्त युक्रेनबाट आफ्ना सेना फिर्ता गर्न” आग्रह गरेको छ।

चीनसँग वार्ता र सहयोगको आवश्यकतालाई औंल्याउँदै, विज्ञप्तिमा भनिएको छ कि जि ७ नेताहरू “पूर्व र दक्षिण चीन सागरको अवस्थाको बारेमा गम्भीर रूपमा चिन्तित छन्” जहाँ बेइजिङले आक्रामक समुद्री गतिविधिहरु गरिरहेको छ।विज्ञप्तीमा शक्ति वा जबर्जस्ती गरेर यथास्थिति परिवर्तन गर्ने एकपक्षीय प्रयासको कडा विरोध गरिएको छ।

यसका अलवा जि ७ नेताहरूले उत्तर कोरियाको ब्यालेस्टिक मिसाइलहरूको बारम्बार प्रक्षेपणको पनि निन्दा गरेका छन् र उत्तर कोरियाको आणविक र सामूहिक विनाशका अन्य हतियारहरूको “पूर्ण, प्रमाणित र अपरिवर्तनीय परित्याग”का लागि सामूहिक दबाब जारी राख्ने प्रतिबद्धता समेत दोहोर्याए
छन् ।

यद्यपी,आज जि ७ हिरोशिमा शिखर सम्मेलनको औपचारिक समाप्तीसंगै पुर्ण र सामूहिक घोषणा पत्र जारी हुनेछ।

यो पनि पढ्नुहोस्

शनिबार जापानको हिरोशिमाबाटै क्वाड राष्ट्रहरुले संयुक्त घोषणा पत्र जारी गरे,समुद्रमुनि गुणस्तरिय केबल नेटवर्क बिस्तार गर्न सहमत

जि सेभेन(G7) को बुझ्नुपर्ने रोचक पाटो,सदस्य राष्ट्र ७ वटा तर किन शिर्ष सहभागी संख्या ९ जना देखिन्छ त ?

जि ७ हिरोशिमा शिखर सम्मेलनको दोस्रो दिन नरेन्द्र मोदीदेखि जेलेन्स्कीसम्मको सहभागिता,विश्वभरको ध्यान खिच्दै हिरोशिमा !

“म चाहन्छु कि त्यहाँ उभिएका गन्यमान्य मानिसहरुले त्यहाँ गुमेका हज्जारौँ जीवनहरूको कल्पना गरुन् “- तोकुसो

जि ७ हिरोशिमा शिखर सम्मेलन सुरु,विश्वभरका शक्ति राष्ट्रका शिर्षस्थ नेताहरु जापानमा

अष्ट्रेलियामा हुने भनिएको क्वाड सम्मेलन पनि जापानको हिरोशिमा मै गरिने

अमेरिकी राष्ट्रपति जो बाइडेन र जापानका प्रधानमन्त्री किशिदा बिच बिहीबार हिरोसिमामा शिखर वार्ता हुने